Iraitz Arrospide korrikalaria, gaurko "Biba Zuek!" saioan

Iraitz Arrospide euskal korrikalaria izango dute gaur Maddalen Arzallusek eta Xabier Sukiak "Biba Zuek!" saioko platoan, elkarrizketa egiteko prest. Ibilbide oparoa du eta nazioarteko atleta bezala izan duen esperientziaz arituko da saioan. Euskal Herrian bizi da gaur egun, eta berarekin solasaldi interesgarria izango dute.

Lehen orduan, Sua komikiaren egileak izango dituzte gonbidatu. Lan honek Alex Telloren hitzak eta Julen Ribasen ilustrazioak biltzen ditu, Su Ta Gar taldearen abestiak oinarri harturik. Izan ere, musika talde honen zaleak dira egileak, eta proiektu hau burutu dute.

"Biba Zuek!" saioa arrakasta handia izaten ari da, eta asteazkeneko emanaldiak denboraldiko audientzia daturik onenak lortu zituen: % 7,7ko audientzia-zatia eskuratu zuen programak eta euskaldunen artean lider izan zen % 17,4ko kuotarekin.

"Biba Zuek!" astelehenetik ostiralera dago ikusgai 18:00etatik aurrera ETB1en eta eitb.eus-en.