Asier Odriozola kazetariari elkarrizketa, gaur arratsaldean, "Biba Zuek!" saioan

Gaur arratsaldean "Biba Zuek!" saioan, EITBko aurpegi eta ahots oso ezagun bat izango dute gonbidatu: Asier Odriozola kazetaria. Lasartearra irratian hasi zen ordu txikitako saio bat aireratzen eta ondoren etorri ziren telebista saioak aurkeztu eta defendatzeko lanak, tartean, "Teleberri" albistegia. Gaur egun, Euskadi Irratian eta Radio Euskadin lan egiten du.

Bestalde, gauez lanean diharduten langileak izango dituzte lehen orduan hizpide. Izan ere, lanbide asko dira gu lo gauden bitartean martxan jarraitzen dutenak. Horretarako, adibidez, taxi gidari bat eta gasolindegi bateko langile bat izango dituzte platoan.

"Biba Zuek!" astelehenetik ostiralera izaten da ikusgai, 18:00etatik aurrera, ETB1en eta eitb.eus-en.