Gozategi musika taldeko Asier eta Iñigo, gaur arratsaldean, "Biba Zuek!" saioan

Gozategi musika taldeko Asier Gozategi eta Iñigo Goikoetxea izango dira gaurko "Biba Zuek!" saioan. Duela 30 urte eman zituen lehen pausoak Gozategi taldeak, euren lehen maketa 1994an kaleratu zuten. Ordutik aurrera hainbat disko, kontzertu eta dantza egin dituzte gure gonbidatuek.

Lehen orduan, euskal gaizkileei buruz hitz egingo dute. Izan ere, ZuZeu podcastak eta Bikoiztaile Euskaldunen Elkarteak fikziozko podcast serie bat kaleratu zuten duela bi urte, Beñat Hach Embarekek zuzendua, eta orain beste lau podcast berrirekin datoz. Bertan, Euskal Herriko historiako gaizkile zitalen istorioak eta abestiak ezagutuko ditugu.

"Biba Zuek!" astelehenetik ostiralera izaten da ikusgai, 18:00etan, ETB1en eta eitb.eus-en.