Biba Zuek
18:00etan
Imanol Lazkano bertsolaria, gaur arratsaldean, "Biba Zuek!" saioan
EITB Media
Saioaren lehen orduan, berriz, krisi ekonomikoari buruz arituko dira eta platoan izango dituzte hainbat profesional, tartean garraiolari eta pentsu kooperatiba bateko kide bat.
-
Imanol Lazkano Euskadi Irratian. Argazkia: EITB Media
Gaurko "Biba Zuek!" saioan bertso munduan erreferente den bertsolari bat izango dute gonbidatu: Imanol Lazkano. Azpeitiarrak bizitza osoa darama bertsoaren inguruan, 1987tik 2005era Euskal Herriko Bertsozale Elkarteko presidentea izan zen, adibidez. Horretaz guztiaz arituko dira elkarrizketaren tartean.
Saioaren lehen orduan, berriz, krisi ekonomikoari buruz arituko dira. Izan ere, Ukrainako gerrak ondorio asko ditu, horien artean ekonomikoak, eta egoera hau pairatzen ari diren hainbat profesional izango dituzte platoan, tartean garraiolari eta pentsu kooperatiba bateko kide bat.
"Biba Zuek!" astelehenetik ostiralera dugu ikusgai, 18:00etan, ETB1en eta eitb.eus-en.
