Biba Zuek
18:00etan
Anje Duhalde gonbidatu, gaur arratsaldean, "Biba Zuek!" saioan
EITB Media
Bigarren orduan hitz egingo dute Arrangoitzeko musikariarekin. Lehen orduan, ziberbullingaz arituko dira, EITBren #EKIN_etenZiberbullinga kanpainaren barruan.
-
Anje Duhalde izango dute gonbidatu "Biba Zuek!" saioan astelehenean
Anje Duhalde musikariarekin hasiko dute astea ETB1eko "Biba Zuek!" saioan. Musika munduan berrogeita hamar urtetik gora daramatzan kantariaren ibilbidea errepasatzeaz gain, Maddalen Arzallusekin batera zuzenean emanaldia eskainiko du.
Lehen orduan, ziberbullinga izango dute hizpide, EITBren #EKIN_etenZiberbullinga kanpainaren barruan. Jazarpen hau baliabide digitalen bitartez gertatzen da, eta normalean psikologikoki hirugarren pertsona batek jasaten du erasoa. Gai hau lantzeko hiru gonbidatu izango dituzte: ziberbullinga pairatu duena, ikastoletan nola lantzen duten azalduko duen orientatzaile bat, eta gai hau guraso zein herritarrekin lantzen duen espezialista bat.
"Biba Zuek!" saioa 18:00etatik 20:00etara izaten da ikusgai, astelehenetik ostiralera, ETB1en eta eitb.eus-en.
