Biba Zuek
18:00etan
Lierni Agirrezabala kazetaria, gaur arratsaldean, "Biba Zuek!" saioan
EITB Media
Maddalen Arzallusek eta Xabier Sukiak egingo dioten elkarrizketan, asteburuetako "Gaur Egun"eko aurkezlea gertutik ezagutzeko aukera izango dugu. Lehen orduan, berriz, haurrak izango dira protagonista.
-
Xabier Sukia eta Maddalen Arzallus. Argazkia: EITB Media
Lierni Agirrezabala kazetariaren bisita izango dute gaur arratsaldeko "Biba Zuek!" saioan. Asteburuetako "Gaur Egun" albistegiko aurkezlea da Lierni, baina urte asko daramatza ETBko hainbat saiotan aurkezle edo berriemaile lanetan. Kazetariarekin, bere bizitza profesionala errepasatuko dute.
Lehen orduan, umeekin solasean arituko dira. Umeak etorriko dira saiora, eta ahotsa emango diete. Udako oporrak zer moduz doazen galdetzeaz gain, pil-pilean dauden gaiei buruz hitz egingo dute eurekin.
"Biba Zuek!" saioa, 18:00etatik 20:00etara, ETB1en eta eitb.eus-en.
