Canelo-Chavez borrokaldiaren inguruko berriak, gaur, 'Boxeo Izarrak 'en

Canelo Alvarezek eta Julio Cesar Chavezek larunbatean egingo duten borrokaldia izango dute abiapuntu aste honetako 'Boxeo Izarrak' saioan.

Gaiaz luze eta zabal mintzatuko dira, eta pisu superertaineko borrokaldi bat eskainiko dute ondoren. Marco Antonio Periban mexikarra eta J´Leon Love estatubatuarra, aurrez aurre. Peribanek 20 garaipen lortu ditu, bat galdu du eta beste bat berdindu. Lovek, ostera, orain arte egindako 17 neurketak irabazi ditu. Norgehiagoka gogorra eta parekatua izango da.

Azkenik, luma pisuko txapelketa bat izango da ikusgai: Abraham Lopezek eta Julian Ramirezek neurtuko dituzte indarrak. Bietatik batek ere ez du borrokaldirik galdu.

'Boxeo Izarrak' saioa 01:00etan eskainiko da ETB1en.