Chiloé
22:30ean
Portugalen izango da gaur 'Chiloé Lasterka Munduan' saioa
EITB
Zigor Iturrietak Estrela Grande Trailean hartuko du parte, 49 kilometroko lasterketa gogorrean.
'Chiloé Lasterka Munduan' saioak Portugal erdialdera eramango gaitu gaur, eta Zigor Iturrietak Estrela Grande Trail proban hartuko du parte, 49 kilometroko lasterketa gogorrean. Berebat, eskualdeko kultura eta gastronomia ezagutzeko aukera izango du.
Itsasotik abiatuko da osteguneko saioa, Costa Nova herritik, Ilhavotik gertu. Zigorrek bakailaoa dastatuko du, hainbat modutara prestatuta. Handik Coimbrara joango da, unibertsitatea eta liburutegia ardatz dituen hirira.
Viseu hirian jarraituko du bidaia, eta, ondoren, Penalva do Castoloko Insua etxean Paulo Cardoso sukaldariak prestatutako menua jango du. Seiako ogiaren museoa eta Elio Silvak egiten duen Estrela mendilerroko ardi-gaztaren berri ere izango du.
'Chiloé Lasterka Munduan' ostegunetan izaten da ikusgai, 22:30ean, eitb.eus-en eta ETB1en.
