Zinemagintzako soinu arduradunen lanaz, Alazne Ameztoyrekin, "EiTB Kultura" saioan

Zinemako soinu arduradunen lana ezagutuko dute gaur "EiTB Kultura" saioan Alazne Ameztoyren eskutik: La trinchera infinita-n egindako soinu lanagatik Goya saria irabazi berri du, eta egunotan Ilargi guztiak pelikula grabatzen ari da. Bisita egin diote grabaketara. 

Horrez gain, Arima taldeak zuzeneko kantu bat eskainiko du. Beren lehen diskoa kaleratu dute aurten. 

Mikel Soto, Txalaparta argitaletxeko editore izandakoaren kultur gomendioek eta Asier Li musikariari bere estudiora egindako bisitak osatuko dute aste honetako kultur saioa. 

"EiTB Kultura" ostegun gauero izaten da ikusgai ETB1en, ETB2n eta eitb.eus-en.