Go!azen
21:00etan
'Go!azen' telesailaren antzezlana, gaur, ETB1en eta eitb.eus-en
EITB
Julen, Naia, Gari, Eli eta Markel dira umorez beteriko istorio honetako protagonistak, eta Zuzen eta Erika ere ikusiko ditugu oholtza gainean.
Informazio gehiago (2)
Otsailean Amurrion eskainitako 'Go!azen' antzezlanaren emanaldia izango dugu ikusgai gaur gauean ETB1en, 21:00etatik aurrera. Julen, Naia, Gari, Eli eta Markel dira istorio honetako protagonistak, eta Zuzen eta Erika ere ikusiko ditugu oholtza gainean. Umorez beteriko obra musikala da.
Uda iritsi da beste behin ere, eta honekin batera, Basakabi udalekuak bere ateak zabalduko ditu berriz. Iazko ikasleak beste ikasle berri batzuekin nahasiko dira, Basakabiko diziplina zorrotzaren zaindaritzapean.
Naia Basakabira iritsi berri den ikaslea da. Royal School eskolan dantza ikastea da horren ametsa, baina bere gurasoek ez diote sarrera-proba egiten utzi nahi. Julen ere ikasle berria da aurten Basakabin, baina lehen unetik txantxak egiteko bere zaletasunak ospetsu bihurtuko du gainerako ikasleen artean. Gari eta Eli, berriz, beteranoak dira, eta kanpotik gogor itxurak egin arren, elkarrekin maiteminduta daude. Eta Markel… Markelek Markel izaten jarraituko du.
'Go!azen' telesailaren antzezlana ETB1en eta eitb.eus-en izango da ikusgai gaur, 21:00etatik aurrera.
