Go!azen
Gaur, 21:00etan
Korrika egitera atera dira "Go!azen" telesaileko protagonistak
EiTB
Aste honetako ibilerak ekarriko ditu "Go!azen Etxean" telesailak gaur gaueko atalean.
Bideoak (1)
Informazio gehiago (2)
Etxetik atera gabe ia bi hilabete eman eta gero, kalera irteteko aukera izan dugu herritarrok. Eta guk bezala, "Go!azen"eko protagonistetako batzuk ere kalera irten dira kirola egitera. Gaur gauean kontu horiek eta beste batzuk ekarriko ditu "Go!azen Etxean" telesailak.
Gainera, Aimarrek berri on bat jasoko du aste honetan: Sara etxera itzuli da, eta hori ospatzeko, lagun guztiek sorpresa bat antolatuko diete. Horregatik, Sara (Andrea Mora) ikusteko aukera izango dugu atal honetan lehen aldiz.
Baina haserrerako tarteak ere egongo dira aste honetan: hala nola, Zurik eta Elik muturtuta pasako dute aste osoa, eta lagunek era guztietako saiakerak egingo dituzte haien arteko egoera hobetu dadin.
"Go!azen Etxean" telesailaren zazpigarren atala 21:00etan izango da ikusgai, ETB1en eta eitb.eus-en.
