Gure Kasa
21:30ean
Fitnessa egiten duten Eneko Baz eta Maite de Frutos, gaur gauean, 'Gure Kasa'n
A.E.|EiTB
Iban Garciak 'Bago!az'i buruzko atalari ekingo dio. Xabi Unanue, halaber, saioan egongo da hurrengo hilabeteetan ikusiko ditugun gailu mugikorren joerei buruz hitz egiten.
-
Maite de Frutos eta Eneko Baz. Argazkia: EiTB
Fitnessa egiten duten bi gonbidatu izango dituzte gaur 'Gure Kasa' saioan, indarra eta estetika lantzen dituztenak: Eneko Baz eta Maite de Frutos. Mungiakoa da bata eta Eibarkoa da bestea, eta Euskal Herriko gorputzik zainduenetakoak dituzte. Beraien zaletasunaz arituko dira saioan.
Bestalde, Iban Garciak atal berri bat hasiko du, 'Gure Kasa' bukatu ondoren hasiko den 'Bago!az' saioari buruzkoa. Aste honetan, 'Go!azen'eko Aritz Mendiolarekin izango da.
Xabi Unanue, halaber, saioan egongo da hurrengo hilabeteetan ikusiko ditugun gailu mugikorren joerei buruz hitz egiten.
'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.
