Asisko Urmeneta irudigilea, gaur gauean, 'Gure Kasa'n

Gaur gauean, Asisko Urmeneta irudigilea izango da 'Gure Kasa' saioan gonbidatu. Sortzailea, kritikaria, umore handikoa eta Euskal Herriko marrazkilaririk onenetakoa da, eta bere azkeneko lana aurkezten izango da, Eusklabo alaiak izenekoa.

Bestalde, Ekhi Arrieta, beti bezala, Euskal Herriko talenturik handienekin etorriko da saiora. Astearte honetan, hip-hopa egiten duten bi dantzari gonbidatu ditu, Oihana eta Maialen, Twins-K. 14 urte dituzte, Irungoak dira eta Gipuzkoako hip-hop lehiaketa irabazi berri dute bikote modura.

Horrez gain, Iban Garciak Youtubeko challenge bitxia eskainiko du eta Nerea Alias euskal zineaz arituko da bere youtubeko kanalean.

'Gure Kasa' astelehenetik ostegunera izaten da ikusgai 21:30ean ETB1en eta eitb.eus-en.