Gure Kasa
21:30ean
Naroa Agirre gonbidatu, gaur gauean, 'Gure Kasa' saioan
A.A.| EiTB
Pertika jauzilari eta 'Goenkale'ko aktore bezala ezagutu genuen kirolaria zertan dabilen jakingo dugu.
-
Naroa Agirre. Irudia: EITB
Naroa Agirre kirolari donostiarra hartuko dute gonbidatu astearte honetan 'Gure Kasa' saioan. Pertika jauzilari bezala ezagutu genuen lehendabizi eta 'Goenkale'ko aktore lanetan ere bai geroxeago. Elite mailan urte luzez ari zen eta Atenaseko eta Pekingo joko olinpikoetan parte hartu zuen. Ama izan berritan, bere ibilbideaz, orainaz eta etorkizuneko erronkez galdetuko diote Julen eta Antton Telleriak.
Ohi denez, bestelako edukiak ere izango dituzte 'Gure Kasan'n. Iban Garciak eta bere ama Maite Azpiazuk 'Taboo' challengea egingo dute. Alegia, hitz batzuk esan gabe, beste hitz bat asmarazi beharko diote batak besteari. Berebat, 'Abestien zaindaria'ren beste atal zoragarri bat ikusiko dugu. Maddalen Arzallus oraingo honetan Itziarren izan da.
'Gure Kasa' saioa 21:30etik aurrera izango dugu ikusgai ETB1en eta eitb.eus-en.
