Ana Goitia eta Onintza Enbeita, gaurko 'Gure Kasa'n

Gaur, Ana Goitia eta Onintza Enbeita izango dira 'Gure Kasa' saioan gonbidatu. Igandean ETB1en estreinatuko duten 'Hauxa2' saio berria aurkeztuko dute. 'Gure Kasa'n sortu zen bikotea osatzen dute, eta bere kabuz programa propioa aurkeztearen esperientziaz eta bertan ikusiko dugunaz arituko dira.

Iban Garcia, bere aldetik, eguraldi txarrarekin bada ere, hondartzan izan da. Hondarrezko figurak egiten eta Antton eta Julen Telleriaren aurpegiak sortzen saiatu da.

'Gure Kasa' gaur izango da ikusgai, 21:30ean, eitb.eus-en eta ETB1en.