Gure Kasa
21:30ean
Koteto Ezkurra erremontista izango da gaur gaueko gonbidatua 'Gure Kasa' saioan
EITB
Nerea Aliasek 'Oroitzapen kaxa' ekarriko dio eta Nahiara Gagok Koteto eta Telleria anaiak jolasean jarriko ditu golf joko berezi batekin.
-
Koteto Ezkurra (Argazkia: EiTB)
Gaur gauean, Koteto Ezkurra erremontista izango dute 'Gure Kasa' saioan gonbidatu. Hamazazpi urtetan hamalau aldiz jokatu du buruz buruko finala, eta hamaika irabazi ditu. Gaur egun, bera da buruz buruko txapel gehien dituen jokalaria, eta, gainera, beste hiru txapel ditu binakako txapelketan. Datorren larunbatean, urriaren 6an, erretiroa hartuko du, baina aurretik ETB1eko saiora joango da, bere ibilbide profesionala errepasatzeko.
Nerea Aliasek 'Oroitzapenen Kaxa' ekarriko dio, Naiara Gagok golf joko berezia prestatuko dio eta Aneguriak bat-bateko rapa abestuko dio. Horrez gainera, Iban Garciak kamera ezkutu berriak ekarriko ditu.
'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.
