Dantza protagonista, gaur gauean, 'Gure Kasa' saioan

Euskal Herriak orain arte eman dituen dantzaririk onenak izango dituzte 'Gure Kasa'n gaur gauean. Alde batetik, Edu Muruamendiaraz Aukeran Dantza Taldearen sortzailea hartuko dute platoan. Zazpi urte zituela hasi zen dantza txapelketetan eta orduz geroztik ezin izan du dantzarik egin gabe bizi. Haietariko asko irabazi zituen eta orain dela egun gutxi Crystal Fighters taldearekin batera dantzatu du, inoiz ahaztuko ez duen esperientzia omen da. Bestetik, Segurako Dantza Txapelketa hiru aldiz jarraian irabazi duen bikotea izango da saioan, Idoia Besada eta Xabier Artola dantzariak. Euskal dantza txapelketa horiek nola bizi dituzten azalduko diete 'Gure Kasa'ko lagunei.

Nahiara Gagok, bere aldetik, aukera aprobetxatu eta dantzan jarriko ditu platoan dauden guztiak. Jon Garate beste horrenbeste egiten saiatuko da kalean topo egin duen ororekin.

Saioa amaitzeko, Maitena Salinasek Gurea da! tartean Tolosako Casa Julian bisitatuko du. Jatetxea aski ezaguna da inguru guztian, eta haren ibilbidea eta sekretuei buruz galdezka arituko da. Iban Garcia, berriz, sumo egiten ahalegindu omen da. Egia ote da? Zer moduz moldatu ote da youtuberra?

'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.