Gure Kasa
21:30ean
Hesian taldeko kideak izango dira gaurko gonbidatuak 'Gure Kasa' saioan
EiTB
Gainera, Iban Garciak saiora etortzeko gonbidapena emango dio Gari abeslari mitikoari.
-
Zuriñe Hidalgo, Hesian taldeko abeslaria
Gaur gauean Hesian taldeko kideak (Zuriñe, Fran, Ane, Eneko, Beñat, Danel eta Iker) izango dituzte 'Gure Kasa' saioan gonbidatu. Taldearen ibilbideaz hitz egin, ondo pasatu eta taldearen bideoklip ezagunenak errepasatuko dituzte, eta bi abesti berri abestuko dizkigute zuzenean.
Iban Garcia gonbidapen berri bat ematen ahalegindu da Bazatoz Ibanekin platora? atalean. Gari abeslari mitikoa 'Gure Kasa'ra gonbidatu nahi du. Lortu al du Garirekin egotea? Zein izan da abeslariaren erantzuna?
Onintza Enbeita ere etorriko da. Musika talde berri bat nola sortu azalduko digu Ni On In tartean, eta asteazkenetik aurrera ETBn gidatuko duen 'Gure Doinuak' saio berriaren lehen irudiak erakutsiko ditu.
'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.
