Begoña Errazti izango da gaurko gonbidatua 'Gure Kasa' saioan

Izaera handiko emakume bat hartuko dute gonbidatu 'Gure Kasa' saioaren gaurko atalean: Begoña Errazti, EAko lehendakari ohia, ibilbide luze eta oparoko politikaria. Kolore guztietako borroketan ibili eta gero, Eragintza Fundazioko zuzendaria da gaur egun, eta gaixotasun mentala duten pertsonak gizarteratzen eta horiei lanpostua bilatzen edo lanerako formazioa ematen laguntzen du. Bere ibilbideaz, politikaz, emakumeen borrokaz eta beste mila gauzaz hitz egingo dute berarekin.

Nerea Aliasek ETBko artxiboan topatu dituen Begoñaren irudiak ekarriko dizkigu, eta Maddalen Arzallus Hitzen zaindaria Mundakan egon da, Begoñaren bizitokian, bertako hitz eta esaera zaharrak jasotzen.

Bestalde, Iban Garciak programara etortzeko gonbidapena egingo dio Eneko Atxa sukaldariari.

'Gure Kasa' 21:45ean izango dugu ikusgai ETB1en eta eitb.eus-en.