'Puntu Koma' webserieko kideak, gaur gauean, 'Gure Kasa'n

'Puntu Koma' '' webserieko protagonistetako batzuk hartuko dituzte gonbidatu gaur gauean 'Gure Kasa' saioan: Sara Cozar, Fariba Sheikhan, Enrike Amilibia eta Iñigo Gastesi. eitb.eus webgunean lehenengo eta ETB1en ondoren ikusgai izango den telesailaren nondik norakoak ezagutuko dituzte Telleria anaiek.

Isma Pereirak jolasean jarriko ditu gonbidatuak, interpretazio lanetan, eta Jon Gotzon Aldaparenak estutasunetan jarriko ditu Dagoenean bon-bon ataleko galderekin.

Nahiara Gagok artxiboa astinduko du, gonbidatuen sekretuak agerian jartzeko asmoz, eta, egunero bezala, "galdera marroia" ere egingo dute programan.

Azkenik, Iban Garciak amarekin batera Igeldo mendiko jolas-parkean izandako gorabeherak ekarriko dizkigu.

'Gure Kasa' 21:15etik aurrera izaten da ikusgai, astelehenetik ostegunera, ETB1en eta eitb.eus-en.