Gure Kasa
21:00etan
Kike Amonarriz izango da gaurko gonbidatua 'Gure Kasa' saioan
EiTB
Euskal Telebistako hainbat saiotan aritua, Euskaltzaleen Topaguneko lehendakari izendatu berritan, bere ibilbidearen errepasoa egingo dute.
-
Kike Amonarriz ETBko 'Ahoz Aho' saioan. EiTBren bideo batetik ateratako irudia
Gaur, Euskal Telebistako aurkezle famatuenetako bat etorriko da 'Gure Kasa'ra: Kike Amonarriz. 'Mihiluze', 'Tribuaren Berbak', 'Burubero'… Asko dira Kikek aurkeztutako saioak, eta, gainera, duela gutxi, Euskaltzaleen Topaguneko lehendakari izendatu dute.
Soziolinguista, euskaltzalea, ikertzailea, aurkezlea… Milaka proiektutan parte hartu du Kikek. Bere azken izendapenaz eta bere ibilbide profesionalaz arituko da saioan, baita Euskaltzaleen Topagunearen eta euskararen inguruan ere.
Sorpresaz betetako saioa izango da honakoa: besteak beste, Izaskun Moyanok oroitzapen kaxa bat osatu dio Kikeri, eta Ainhoa Sanchezek, berriz, emakumez bakarrik osatutako peña bat aurkeztuko digu, Osasunako San Fermin emakumeen peña.
'Gure Kasa' astelehenetik ostegunera izaten da ikusgai, 21:00etan, ETB1en eta eitb.eus-en.
