Gure Kasa
21:00etan
Xabier Amuriza izango da gaurko gonbidatua 'Gure Kasa'n
EiTB
Bertsolari eta idazle bizkaitarraren ibilbidea errepasatzeaz gain, bere oroitzapenen eta doinuen kaxa osatuko dute.
-
Xabier Amuriza 'Gure Kasa' saioan. EiTBren bideo batetik hartutako irudia
Gaur gauean, politikari, bertsolari, poeta, abeslari, euskaltzaleetan euskaltzale eta euskalgintzako maisu Xabier Amuriza izango da 'Gure Kasa'ko gonbidatua. Manuel Lekuona saria jaso berri du idazle bizkaitarrak.
Asko izango dira saioan jorratuko dituzten gaiak: euskara, bertsolaritza, literatura, politika… Amurizaren ibilbide profesionala errepasatuko dute, bertsolaritzan egindako ekarpenetatik hasi eta politikan ibili zeneko garaiak ahaztu gabe.
Sorpresaz betetako saioa izango da; izan ere, Izaskun Moyano kolaboratzaileak oroitzapenen kaxa osatu dio Xabierri. Horretarako, Amurizaren gertukoengana joan da, oroitzapenik kuttunenak batzera. Maddalen Arzallusek, bestalde, Amurizaren abesti gogokoenak ekarriko dizkigu Doinuen kaxan. Marta Elvira eta Aitor Frantsesena Eibarrera joan dira bertako Armeria Eskolan lan egiten duen Jaione Artetxe ezagutzera.
'Gure Kasa' astelehenetik ostegunera izaten da ikusgai, ETB1en eta eitb.eus-en, 21:00etan.
