'Ihesaldia' telesaileko hainbat protagonista, gaur gauean, 'Gure Kasa'n

Gaur gauean, 'Ihesaldia' ETBko telesail berriko aktoreak izango dira 'Gure Kasa'ko gonbidatuak:  Xabi Perurena, Nerea Gorriti, Xabi Lopez eta Jon Ander Alonso. Igandean estreinatuko den ekoizpenak Basauriko kartzelan preso dauden bost pertsonaren ihesaldi saiakera kontatzen du. Aktoreek telesailaren nondik norakoak kontatuko dizkigute, baita fikzio berriaren sekretuak ere. Gainera, grabaketaren inguruko bitxikerien eta bizitako anekdoten inguruan hitz egingo dute saioan. 

Kolaboratzaileei dagokionez, Ainhoa Sanchez Bermeora joan da. Bertan, familia 'Athleticzale' bat ezagutzeko aukera izan du. Joseba Belokik, bestalde, beste aspaldiko bat ekarriko du. Oraingoan, Julio Vila Albert edo Julius MC DJ ohi arrakastatsuarekin hitzartu da. Azkenik, Doinuen kaxa atalean, 'Ihesaldia' telesaileko protagonisten abesti kuttunenak entzuteko aukera ere izango dugu. 

'Gure Kasa' astelehenetik ostegunera izaten da ikusgai ETB1en eta eitb.eus-en, 21:00etan.