Gure Kasa
21:00etan
Beñat Gaztelumendi bertsolaria izango da gaurko gonbidatua 'Gure Kasa'n
EiTB
Gipuzkoako Bertsolari Txapelketa irabazi berri du Gaztelumendik, eta haren bertsolari ibilbidea aztertuko dute.
-
Beñat Gaztelumendi bertsolaria. EiTBko bideo batetik ateratako irudia
Gaur gauean, Beñat Gaztelumendi bertsolaria izango dute 'Gure Kasa' saioan gonbidatu. Gipuzkoako Bertsolari Txapelketa irabazi berri du añorgarrak, bigarrenez; izan ere, 2015ean lortu zuen lehenengoa. Beñaten bertsolari ibilbidea aztertuko dute saioan, baita etorkizunera begira dituen proiektuak ere. Gainera, orain arte irabazi dituen txapelketen inguruan jardungo dira berarekin.
Programa, gainera, sorpresaz beteta egongo da. Izaskun Moyanok oroitzapenen kaxa prestatu dio, gertukoenen laguntzaz. Maddalen Arzallus, bestalde, abestien zaindari lanetan, txapelaren inguruko abestiak biltzen ibili da Beñatek lortutako azken txapelaren harira. Saioa bukatzeko, Jon Garate kalera irten da, euskaldunoi Beñaten inguruan galdetzera.
'Gure Kasa' astelehenetik ostegunera izaten da ikusgai ETB1en eta eitb.eus-en, 21:00etatik aurrera.
