Segurako bertsoaldi onenak, gaur, 'Hitzetik Hortzera'n

Bertsolari Txapelketa Nagusiaren jarraipena egiten ari da 'Hitzetik Hortzera' udazken honetan. Larunbatean, Seguran jokatuko da bigarren final-laurdena, eta hango bertsoaldi onenak eskainiko ditu igande honetan, 15:00etan, eitb.eus-en eta ETB1en.

Ander Fuentes Mujika Itturri, Beñat Iguaran Amondarain, Felix Zubia Olaskoaga, Jon Martin Etxebeste, Nerea Elustondo Plazaola eta Unai Gaztelumendi Arandia arituko dira kantuan Bertsolari Txapelketa Nagusiko bigarren final-laurdenean, Seguran.

Larunbatean, 17:00etan hasiko da saioa, Baratze pilotalekuan. Saioaren irabazlea zuzenean sailkatuko da Bastidako finalaurrekora, eta besteak gainerako final-laurdenetako puntuazioen zain geratuko dira.

15:00etan ikusi ahal izango da eitb.eus-en eta ETB1en Seguran gertatutakoa.