Hitzetik Hortzera: Bertsoak Euskal Telebistan | EITB Hitzetik Hortzera

Hitzetik hortzera

00:00

Hitzetik hortzera

21:00etan

Bertso jarrien funtzioari buruz, gaur gauean, "Hitzetik Hortzera" saioan

EITB

Tartean, Unai Agirre bertsolariak bertsopaperei loturik izan dituen bizipenak ezagutuko ditu saioak.

  • Eider Perez eta Unai Agirre

    Eider Perez eta Unai Agirre. Argazkia: Bertsozale Elkartea

  • Whatsapp
  • Whatsapp
  • telegram
  • Bidali

Gaur gauean, "Hitzetik Hortzera" saioa bertsopaperen inguruan eta hauek betetzen duten funtzioaz arituko da. Horretarako, Eider Perez Unai Agirrerekin bilduko da, Eñaut bere anaiarekin batera sortutako emanaldiaren inguruan galdetzeko. Izan ere, bertso jarriekiko zaletasuna gaztetatik datorkio Unai Agirre bertsolariari. Bertso mordoa jarri izan ditu bere ibilbidean, eta are gehiago irakurri izan ditu besteek egindakoak. Eñaut Agirre bere anaiarekin partekatzen duen pasioa da, eta horregatik sortu zuten elkarrekin Auskalo zeinek jarriak: atzoko eta gaurko egileen bertso jarriak jendaurrean kantuz ezagutzera emateko emanaldia.

Bertsopaperak zein plazako bertsoaldiak

Eñaut Agirre eta Unai Agirre bertsolarien Auskalo zeinek jarriak emanaldiko sorta batzuk entzuteko aukera eskainiko du saioak, Imanol Kamio eta Joxan Goikoetxea musikariek lagunduta. Gainera, Larrabetzuko eta Zumaiako jaialdietako bertsoaldi hautaketaz gozatzeko aukera izango da.

Horrez gain, Bertsoaldi kutuna atalean, Irungo bertso-eskolako Iker Altuna eta Irati Alcantarilla kideek Aitor Sarriegiren bertsoaldi bat gogoraraziko digute.

"Hitzetik Hortzera" 21:00etatik aurrera izango da ikusgai ETB1en eta eitb.eus-en.

Iruzkinak

  • Publizitatea
    logo eitb nahieran
    Publizitatea
    Floorren arauak Ezarrita dagoenaren aurkako arauak ezartzen Floorren arauak
    Prentsa Aretoa Prentsa oharrak, deialdiak, agenda, fototeka,… Prentsa Aretoa
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena