Hitzetik hortzera
17:00etan
Bertsolari Txapelketako Donostiako saioa, gaur, zuzenean, eitb.eus-en
EITB Media
Victoria Eugenia antzokiko bertsoaldi onenak eta aurreko igandean Gasteizen jokatutako saiokoak bilduko ditu hurrengo egunean "Hitzetik Hortzera"k.
-
Bertsolari Txapelketa Nagusiko Donostiako kanporaketa, zuzenean
Gaur Donostian jokatuko den Bertsolari Txapelketa Nagusiko saioa zuzenean izango da ikusgai eitb.eus-en 17:00etatik aurrera. Finalaurreko fasearen atarian, azken-aurreko saioan, Victoria Eugenia antzokian arituko diren bertsolariak honako dira: Aitor Etxebarriazarraga, Beñat Iguaran, Eñaut Marikorena, Jone Uria, Maddalen Arzallus eta Onintza Enbeita.
Biharamunean, ETB1eko "Hitzetik Hortzera" saioak Donostiako bertsoaldi onenen bilduma eskainiko du, joan den igandean Gasteizen jokatutako kanporaketako bertso sortarekin batera. Halaber, Aitziber Garmendia aktore eta umoregilea elkarrizketatuko du Eider Perezek, bertsolaritzarekin duen harreman estuari buruz.
"Hitzetik Hortzera" igande bazkalostean izaten da ikusgai 15:00etan ETB1en eta eitb.eus-en.
