Izan Invictus
22:15ean
Benetako lehia hasiko da gaur gauean 'Izan Invictus' saioan
EiTB
Talde galtzailea arriskuan egongo da eta partaide batek Invictus izateko aukera guztiak galduko ditu.
Benetako lehia hasiko dute lehiakideek 'Izan Invictus' realityaren bigarren atalean. Lehen aurkezpen eta harremanen ondoren, oztopo berriak gainditu beharko dituzte.
Alex eta Manu Maritxalar kapitainek euren taldeak gidatu eta motibatu beharko dituzte; izan ere, onenek bakarrik lortuko dute lehiaketa gogorrean aurrera egitea. Gainera, Isma Mateo Eternal Runningeko munduko txapelduna izango dute entrenatzaile lanetan, eta haren entrenatzeko metodo gogorra ezagutuko dute probei aurre egin aurretik.
Talde galtzailea arriskuan egongo da gaurkoan, eta partaide batek garaiezin izateko aukera guztiak galduko ditu.
'Izan Invictus' asteazkenetan izaten da ikusgai, 22:15ean, ETB1en eta eitb.eus-en.
