Karabana
ETB1en, 21:15ean
Azpeitian egongo da gaur 'Karabana' saioa
EiTB
Zigor Iturrietak eta Itxaso Gonzalezek Iban Garcia youtuberra eta Joxe Mari Orbegozo dantzaria izango dituzte gonbidatu, besteak beste.
-
Zigor Iturrieta eta Itxaso Gonzalez. Argazkia: EiTB.
Bigarren egunez, Azpeitian izango da 'Karabana' saioa gaur. San Inazio jaien aitzakian helduko dira Urola Erdiko herrira Zigor Iturrieta eta Itxaso Gonzalez, bertako gastronomia, jaiak eta kultura ezagutzera.
Aurpegi ezagunak hurbilduko dira 'Karabana'ko setera: Iban Garcia youtuberra eta Joxe Mari Orbegozo dantzaria. Herriko sukaldari eta hornitzaileei tartea eginez, Itsaso Agirre gaztagilea, Amaia Iriondo sukaldaria eta Aiora Etxeberria Sakona etxalde ekologikoko kidea ezagutuko ditugu. Bestalde, herri bazkariari eta Elektrotxarangari eskainitako erreportajeak eskainiko dituzte.
'Karabana' saioa 21:15ean izango dugu ikusgai gaur ETB1en eta eitb.eus-en.
