Baserriaren eboluzio ilustratuaz, 'Teknopolis'en

Baserriaren eboluzio ilustratua ikusiko dugu asteburuan 'Teknopolis' saioan. Baserria da euskal etxe tradizionala, baina horrek ez du esan nahi betikoa denik. Lehenengoak XV. mendekoak dira, eta horren aurretik euskaldunak leku berean bizi zirela uste zen, beste etxe mota batean. Hori zen hipotesia, eta hori baieztatzeko aztarnak aurkitu dira. Berrizko Besoitaormaetxea baserriko indusketa-lanetan adibidez, bi etxola zaharragoen aztarnak aurkitu dituzte; zaharrena XII. mendekoa.

Besoitaormaetxean egindako lan zientifikoa aitzakia paregabea da euskaldunen bizitoki antzinakoak iruditan jartzeko.

'Teknopolis' saioa larunbatean 13:30ean dago ikusgai ETB1en eta igandean, 13:30ean, ETB2n. Bi saio horiek eitb.eus-ek eskainiko ditu, streaming bidez.