Tomeu Rigok ez du Bilbao Basketen jarraituko. Gaur egin du klubari agur esateko prentsaurrekoa. Eskerrak eman dizkie bai zuzendaritzari bai taldekideei.

Surne Bilbao Basketek 68-72ko emaitzarekin galdu du Barçaren aurka jokatutako Endesa Ligako 34. eta azken jardunaldiko partida. Bilboko taldeak hamahirugarren postuan amaitu du denboraldia.

Jaume Ponsarnauren taldeak hainbat jokalari ditu jokatu ezinik, denboraldiko azken zati honetan; ostegunean, BAXI Manresak hartu du mendean Surne Bilbao Basket, eta Kataluniako taldeak sendo jarraitzen du play-offetan sartzeko lehian.

Dagoeneko LEB Oro mailara jaitsita dagoen Zunder Palenciak sekulako jipoia eman dio Surne Bilbao Basketi Miribillan (87-90). Jaume Ponsarnauren taldeak ez zeukan askorik jokoan, eta min hartuta dauden Adam Smith eta Keith Hornsbyren falta asko nabaritu du.

Jaume Ponsarnauren taldeak, salbatuta eta Keith Hornsby eta Adam Smith gabe, agur esan dio play-offak jokatzeko aukerari, hirugarren porrota jarraian jasota.

Surne Bilbao Basket taldeko Tryggvi Hlinason pibot islandiarrak bere jatorrietara bidaiatuko du Rafa Martinez ACBko mitoarekin batera, Islandiako etxalde urrun batera, non bere familia bizi den.

Surne Bilbao Basketek 72-75 galdu du Monbus Obradoiroren aurka igande honetan Miribillan jokatu duen partida, eta, ondorioz, atzera egin du Endesa Ligako 10. postua lortzeko borrokan.

Lenovo Tenerifek Surne Bilbao Basketen bolada ona eten du. Bilboko taldeak play-offak jokatzeko aukerak estutu nahi izan ditu, baina ametsak ihes egin dio bigarren zatian (101-84).

Surne Bilbao Basketek 81-71 irabazi dio Dreamland Kanaria Handiari Miribillan jokatutako partidan, eta, ondorioz, laugarren garaipena lortu du jarraian Endesa Ligan.

Surne Bilbao Basketek 68-80 irabazi dio Breogani, eta datorren denboraldian Endesa Ligan jarraituko duela bermatu du. Europan jasandako porrotak ez du eraginik izan, eta garaipen nabarmena lortu du Galizian.

Bilbao Basketek irabazi du Baskoniaren aurkako Endesa Ligako 26. jardunaldiko euskal derbia. Norgehiagoka Kullamaek azken hasperenean sartutako hirukoak erabaki du. Hemen duzu ikusgai saskiratze erabakigarria.

Bilbao Basketek 82-80ko emaitzarekin irabazi dio Baskoniari Endesa Ligako 26. jardunaldiko euskal derbia. Bideo honetan duzu ikusgai neurketako laburpena.

Bilbao Basket 82 eta 80 gailendu zaio Baskoniari, Endesa Ligan jokatutako euskal derbian. (Jatorrizkoa, gaztelaniaz)

Bilbao Basketek lasai ekingo die denboraldia amaitzeko geratzen diren bederatzi jardunaldiei, Joventut 92-71 menderatu ostean. Partida estua jokatu dute bi taldeek lehen hiru laurdenetan, eta laugarrenean jarri dute bilbotarrek neurketa euren alde.

Surne Bilbao Basketek galdu egin du Coviran Granadaren aurka, 87-79ko emaitzarekin, Andaluziako taldearen kantxan jokatutako Endesa Ligako 24. jardunaldiko norgehiagoka. Bideo honetan duzu ikusgai neurketako laburpena.

Xavi Rabaseda Bilbao Basketeko jokalariak hautsita du masailezurra, Unicajaren aurkako Endesa Ligako 23. jardunaldiko partidan Perry Malagako taldeko jokalariak emandako kolpearen ondorioz.

Surne Bilbao Basketek porrot nabarmena jaso du Unicajaren aurka larunbat honetan Malagan jokatu duen Endesa Ligako partidan. Norgehiagoka ordu erditik gorako atzerapenarekin hasi da, markagailu batean arazoak izan direlako.