Akordioa, Patxi Lopezek Zapaterori planteatutako mugen barnean

Erredakzioa

Azken eguneratzea: 2010/10/15 19:11 (UTC+2)

Bi buruzagi politikoek prozesu negoziatzaile osoan zehar harreman etengabea mantendu dutela nabarmendu du Eusko Jaurlaritzak.

Whatsapp
Whatsapp
telegram
twitt
Bidali
Esteka kopiatu

Estatuko Aurrekontu Orokorretan EAJk eta PSOEk adostutako akordioa Patxi Lopez lehendakariak Jose Luis Rodriguez Zapatero Gobernuko presidenteari iragan ostegunean telefonoz planteatutako "mugen" barruan dagoela azaldu du Eusko Jaurlaritzak, Lehendakaritzako iturriek jakinarazi dutenez.

Iturri berdinek azaldu dutenez, bi buruzagi politikoek prozesu negoziatzaile osoan zehar harreman etengabea mantendu dutela nabarmendu du Eusko Jaurlaritzak. Izan ere, azken elkarrizketa iragan ostegun gauean izan zuten.

EAJrekin akordio posible bat lortzeko zehaztasunak aztertu zituzten azken kontaktu horretan. Patxi Lopez lehendakariak zeharkatu ezin zitezkeen "mugak" helarazi zizkion Exekutibo zentraleko presidenteari.

Zentzu horretan, EAJrekin adostutako akordioa "muga horien barnean" dagoela azaldu dute Lopezen Gobernuko iturriek.