Molotov koktel bat jaurti dute kutxazain baten aurka Errenterian

Erredakzioa

Azken eguneratzea: 2010/10/20 19:28 (UTC+2)

Aurpegia estalirik zeraman lagun batek Viteri kaleko kutxazain baten kontra lehergailu bat bota du. Hiru lagun barruan ziren erasoaren unean, baina ez dira zauritu.

Whatsapp
Whatsapp
telegram
twitt
Bidali
Esteka kopiatu

Errenteriako (Gipuzkoa) sukurtsal batek kalteak izan ditu gaur, kaputxadun batek molotov koktel bat kutxazain automatiko baten kontra jaurti ostean, Herrizaingo Sailak jakitera eman duenez. Kale-indarkeriarekin zerikusia duen ekintza dela uste du Herrizaingo Sailak.

Iturri berdinaren arabera, aurpegia estalirik zeraman lagun batek Viteri kaleko kutxazain baten kontra lehergailu bat bota du 18:30ean.

Erasoa gertatu denean hiru lagun ziren sukurtsalean, baina ez dira zauritu.

Molotov koktelak piztutako sugarrak berez itzali dira minutu gutxitan, baina kutxazain automatikoa belztu dute.