EITB TALDEA
EITB Taldea
EITBko eduki digitalei buruzko inkesta, eitb.eus-en
EITB Media
Erabiltzaileek EITBko eduki digitalak zein euskarritan kontsumitzen dituzten eta horiei buruzko balorazioa jakiteko galdeketa da. Parte-hartzaile guztien artean smartwatch bat zozkatuko da.
-
EITB Albisteak Aplikazioa
EITBren eduki digitalen kontsumoa aztertzeko inkesta jarri du martxan eitb.eus-ek. Erabiltzaileek gure ikus-entzunezko taldearen zein eduki kontsumitzen dituzten, zein maiztasunarekin eta horietara zein euskarriren bitartez iristen diren jakitea da helburua.
Zerbitzu publikoa eskaintzeaz gain, EITBren lan ardatzetako bat da ikus-entzunezkoen etengabeko transformazio global berrira egokitzea. Horretarako, ezinbestekoa du taldeko hedabide ezberdinen kontsumoa aztertzea eta ikertzea, kanal eta produktu berrien diseinurako oinarriak zehazteko eta kontsumitzaileen atxikimendua lortzeko.
Erabiltzaileek EITBko edukiak kontsumitzeko bide ezberdinak dituzte: eitb.eus eta EITB Nahieran atariak, Appak (EITB Albisteak, EITB Nahieran, Gaztea, 3 kluba, Go!azen), telebista konektatuak, sare sozialak eta bestelako plataformak (YouTube, Telegram, Spotify…). Euskarri hauetara zein maiztasunarekin eta nola iristen diren galdetzeaz gain, zerbitzua ebaluatzeko eskatzen du inkestak. Berebat, eduki digitalen ezaugarriak baloratu behar dituzte erabiltzaileek (objektibotasuna, profesionaltasuna, berritasuna, gertutasuna...).
EITB Albisteak eta EITB Nahieran aplikazioak, EITB Podkast ataria, Gaztearen YouTube kanala, EITB Albisteak eta EITB Noticias Telegram kanalak, eta Tik Tokeko eta Twitcheko kontuak dira EITBren produktu berrienak. Hauen inguruan herritarrek duten iritzia ere ezagutu nahi du EITBk, bide berriak urratzen jarraitzeko.
