18:22

Herriak eta Hiriak

Delitua

Emakume batek maizterrari labana batekin eraso egin dio Gasteizen

Agentziak | Erredakzioa

Antza denez, gizonezkoak inoiz ez dionez alokairua ordaindu eztabaida izan zuten kalean. Jabearen arabera, maizterrak "arazo asko" ematen zituen.

  • Whatsapp
  • Whatsapp
  • telegram
  • Bidali

Gasteizko Pilar auzoan alokatutako etxebizitza baten jabea atxilotu du Gasteizko Udaltzaingoak, maizterrari labana batekin eraso egin ostean. Inoiz ez duela alokairua ordaindu leporatu dio emakumeak gizonezkoari.

Udaltzaingoak ohar baten bidez jakinarazi duenez, asteazkenean, 19:30ak aldera, izan zen erasoa, Gasteizko Pilar auzoan.

Ordu horretan, gainean labana bat zeraman emakume batek eta eskua odoleztatuta zuen gizon batek kalean eztabaidan ari zirela zihoen dei anonimo bat jaso zuen Udaltzaingoak.

Alokatutako etxebizitzaren jabearen arabera, gizonezkoak "arazo asko" ematen zituen eta inoiz ez zuen alokairua ordaindu. Antza denez, arrazoi horregatik piztu zen eztabaida, baina emakumea "oso urduri" jarri zen.

Bestalde, gizonezkoak ziurtatu zuen biek kalean topo egin zutela, eta, hitzik esan gabe, etxebizitzaren jabeak labana atera eta sabelaldean eraso egiten ahalegindu zela.

Udaltzaingoek emakumea atxilotu zuten, eta zauritutako gizonak uko egin zion erietxera joatera.

Iruzkinak

  • Publizitatea

    Bisitatuena

      Kargatzen ikusiena
      Kargatzen ikusiena