11:35

Herriak eta Hiriak

Borroka jendetsua

Hiru lagun atxilotu dituzte Atarrabian borroka jendetsu batean

Agentziak | Erredakzioa

Borroka igande goizaldean gertatu da, Landazabal industrialdean, eta Zizurko 27 urteko gizon bat eta 23 urteko emakume bat ere zauritu dira.

  • Whatsapp
  • Whatsapp
  • telegram
  • Bidali

Foruzaingoak hiru lagun atxilotu ditu lesio delituak egotzita, Atarrabian izandako borroka jendetsu baten ondorioz. Beste bi gazte ere zauritu dira.

Ezbeharra igande goizaldean gertatu da, 06:30ean, Landazabal industrialdean.

Hainbat herritarrek 112 zenbakira deitu dute borroka bat zegoela jakinarazteko. Foruzaingoaren Iruñeko polizia-etxeko agenteek borrokan parte hartzen ari ziren pertsonak banandu eta ustezko erasotzaileak eta biktimak identifikatu dituzte.

Borrokan, halaber, Zizurko 27 urteko gizon bat eta 23 urteko emakume bat zauritu dira. Lehenak zauriak ditu begian eta eskumuturrean, eta bigarrenak, berriz, kolpe bat buruan; botila batekin egindakoa, antza.

Atxilotuak 21 eta 23 urte arteko hiru gazte dira. Horietako batek epaiketarako data ezarrita du kondena urratzeagatik; beste batek, aurrekariak ditu borrokengatik; eta, hirugarrenak, kanporatzeko agindua dauka 2017tik, Espainian legez kanpo egoteagatik, eta, hortaz, atzerritarrentzako lantaldearen esku jarri dute.

Iruzkinak

  • Publizitatea
    Publizitatea
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena