Bilbok ez du animalia basatiak erabiltzen dituen zirku ikuskizunak kontratatuko

Bilboko Udalbatzak aho batez onartu du, ostegun honetan, hirian kontratatzen diren zirku ikuskizunek animalia basatiak ez izatea.

Udalberrik (Ezker Anitza eta Equo) Bilbo "animaliak erabiltzen dituzten zirkurik gabeko hiria" aldarrikatzeko eskatu dio Udaleko Gobernuari (EAJ eta PSE).

Hori horrela, zirkuak kontratatzeko baldintzak aldatzeko proposamena egin du Udal Gobernuak, "animalia basatiak erabiltzen dituzten enpresak kontratatuko ez dituztela bermatzeko".

Azkenik, Udalbatzak Udal Gobernuren zuzenketa jaso eta proposamena onartu du, Udalberriren, EH Bilduren, PPren eta Ganemos Goazenen babesarekin.