Jose Migel Barandiaran gogoan

Gaur 20 urte dira Jose Migel Barandiaran hil zela. Barandiaran Euskal Herrian izan den antropologo handienetako bat izan da, zalantzarik gabe. Eta, kasu hauetan esaten den bezala, ez du aurkezpenik behar. Ala bai?

Guk haren bizitzaz eta lanaz hitz egin dugu, Jose Mari Velez de Mendizabal Barandiaran Fundazioaren presidentearekin. Haren biografia azkar bat egin dugu, eta bere lanen balorea aiptu nahi izan dugu. Batez ere etnografian utzi du Barandiaranek aztarna, nahiz eta antropologiako, historiako eta paleontologiako lanak ere egin zituen.