'Bake kultura baterako elkarrizketak' hasiko da aste honetan ETBn

Aste honetan Euskal Telebistan  'Bake Kultura baterako elkarrizketak' saioa hasiko da. Tarteak, hainbat  euskal artista, pentsalari eta kultura eragile  bilduko ditu bake kultura baterako eraikuntzaren inguruko hausnarketa sustatuz. Elkarrizketak Sabin Egiliorrek gidatuko ditu, eta iraganean elkarbizitzak izandako hondatze prozesua eta horrek beren lan eta obratan izandako eraginaz galdetuko die. Saioak horrela, diziplina artistiko eta kultural ezberdinek, indarkeria murrizteko bidean izan duten garrantzian erreparatu du.

Astearte honetan, Alex Carrascosa artista eta Maria Oianguren Gernika Gogoratuz elkartearen zuzendaria jarriko dira aurrez aurre, bakeaz eta etorkizunaz mintzatzeko, ETB-1en, eta ostiralean, Iñaki Salvador musikaria eta Pilar Lopez Paraiso antzokiaren zuzendaria izango dira ETB-2ko 'Bake Kultura baterako elkarrizketak' saioan protagonista.

Beraiekin batera, Euskal Herriko kultura eta artearen 20 ordezkari bilduko dira kameren aurrean: Luisa Etxenike, Antonio Altarriba, Kirmen Uribe, Willy Uribe eta Ramiro Pinilla idazleak; Joseba Zulaika antropologoa; Jose Luis Lizundia euskaltzaina; Santi Eraso eta Dani Castillejo kultura kudeatzaileak; Helena Taberna eta Borja Cobeaga zinegileak; Patxo Telleria aktorea; Igor Otxoa, Fran Lasuen eta Kepa Junkera musikariak; eta Oier Araolaza dantza ikerlariak parte hartu dute ekimenean.

Basque Films ekoiztetxearen proiektua, Cultura Abierta- Kultura Irekia elkarteak garatu du, Euskadi 2012 fundazioaren laguntzarekin. Izan ere, Eusko Jaurlaritza sustatutako bakearen eta askatasunaren aldeko kulturaren urtearekin bat egin du egitasmoak, Gerra Zibilaren garaian Euskal Gerriko hainbat herri bonbardatuak izan zirenetik 75 urte bete direnean.

Saioa astearteetan 00:20ean emango da ETB-1en eta ostiralean 11:00etan ETB-2n.