Xala-Zubieta / Irujo-Merino II, ETB-1en

Pilota emankizuna izango da kusgai gaur gauean ETB-1en. Urretxuko Ederrena pilotalekuan Santa Lutzi egunez egingo den jaialdiko partida nagusia, Xala-Zubieta / Irujo-Merino II, eskainiko da gaueko hamarretatik aurrera, Xabier Euzkitze, Joxan Tolosa eta Koldo Aldalur esatarien eskutik.

ETBKn, bestalde, Euroligako saskibaloi partida izango da ikusgai zuzenean: Bartzelona-CSKA Mosku. Xabier de la Fuentek egingo du kontakizuna Josean Aldalur adituaren laguntzaz eta streaming bidez ere eskainiko da.

22:30ean, zesta puntari eskainitako 'Jai Alai' tartea zabalduko dute. Bertan, Garcia-Arkaitz / Beñat-Alliez II partidaren berri emango dute Iñigo Aiestaranek eta Jabier Arkarazok.