albistea
Igandean, 21:50ean
'Kontuz, Atsuak!' lau t'erdiko finalean
A.A.
EITB
Ohi denez, bazterrak nahasten arituko dira Maikruz eta Marikarmen.
Bideoak (2)
Informazio gehiago (1)
Maikrux eta Marikarmen atsuak Lau t'erdiko txapelketaren finalaren inguruan jardungo dira igande honetan, betiko legez, bazterrak nahasten. Krisia dela eta, dirurik ez dute finalera joateko, ETBko Visa agortuta eta sarrerak oso garesti... Beraz, Ogetan nola sartu?
Enkante bat antolatuko dute kalean, beraien tramankulu zaharrak saltzen. 'Txikas koka-Kola' izatea ere bururatu zaie eta iragarki bat prestatuko dute casting-era joateko, hala, kantxan egoteko beta izango baitute.
Baina, azkenean, frontoira sartuko dira, Euzkitze eta Tolosaren laguntzaz.
Pilota aukeraketan ere izango dira eta, bertan, kazetariekin, Juaristi pilota hautatzailearekin eta finaleko bi protagonistekin egoteko aukera izango dute.
Eta final handian ere bertako giroaren berri emango dute, han dauden famatuak elkarrizketatu, kazetarien iritziak bildu eta partidaz gozatuz... txapeldun handia nor den ikusi arte.
'Kontuz, Atsuak!' igandean izango da ikusgai 21:50ean.
