albistea
Audientzia oharra
Lau t'erdiko finala, eguneko saiorik ikusiena
A.E.
EITB
Olaizola II.aren eta Bengoetxea VI.aren arteko partida audientzian lider izan zen bere ordutegian eta %27,2ko audientzia zatia eskuratu zuen.
-
Argazkia: EITB
Aimar Olaizolak eta Oinatz Bengoetxeak atzo jokatu zuten Lau t'erdi txapelketako finala eguneko saiorik ikusiena izan zen eta audientzian lider izan zen bere ordutegian ETB-1en. Audientziaren %27,2 eskuratu zuten, euskaldunen artean %38,7, eta bataz beste 224.000 lagunek ikusi zuten Euskadin eta eragin esparruan. Horrez gain, neurketak 366.000 ikus-entzuleko audientzia metatua izan zuen.
Bestalde, atzoko partidak iazko Olaizola II.aren eta Irujoren arteko finalak baino lau puntu gehiago eskuratu zituen. Olaizola II-Bengoetxea VI finala 2007tik hona finalik ikusiena izan da.
eitb.com-en ere audientzia nabarmena izan zuen pilotarekin zerikusia zuten edukiak: zuzeneko emanaldi, bideo eta argazkiak. Kiroletako web gunean 50.768. orrialde ikusi izan zituzten, 12.790 erabiltzaile bakar eta 13.998 bisita.
Saskibaloia, lider bere ordutegian
Halaber, atzo ETB-1en saskibaloia lider izan zen bere ordutegian: Caja Laboral eta Bilbao Basketen arteko neurketak %17,2ko audientzia izan zuen eta 120.000 ikus-entzuleko audientzia metatua.
