Olentzeroren etorrera, Bilbotik zuzenean, gaur gauean, ETBn

Gaur gauean, Gabon Gauaren bezperan, Olentzeroren etorrera eskainiko da Bilbotik zuzenean ETB-3n 19:00etan eta diferituan ETB-1en 21:00etan. eitb.com-en ere zuzenean izango da ikusgai Hiru3ren atarian. Andoni Mutiloak emango du Olentzerok Bilboko kaleetatik barrena egingo duen txangoaren berri, eta Maite Eskarmendi eta Jon Gomez kazetariek Olentzeroren zain dauden haurrei galderak egingo dizkiete.

Olentzero, Plaza Moyuan agertuko da, handik Gran Via zeharkatu, Plaza Biribila pasa eta Nafarroa kaletik barrena Arriagako enparantzaraino jaitsiko da. Zurezko hiru karrok osotuko dute Olentzeroren kalejiraren zati nagusia. Zurezko trizikloa, Olentzerok diseinatutako azken oparia Basajaunak gidatuko du oraingo honetan.