albistea
Igandean
Berasaluze VIII-Albisu / Bengoetxea VI-Beroiz, zuzenean, ETBn
A.A.
EITB
Goizean Lagun Aro GBC-Real Madrid saskibaloi neurketa eskainiko da.
-
Argazkia: EFE
Hasi berri den binakako txapelketako Berasaluze VIII-Albisu / Bengoetxea VI-Beroiz partida dakarkigu ETB-1ek igande honetan, 'ETB Kantxa' saioan. Internet bidez ere ikusgai izango den emanaldia Julen Retegi-Laskurain / Jaunarena-Pascual neurketarekin hasiko da arratsaldeko bostetan.
Goizean, zuzeneko beste emankizun bat izango da: Endesa Ligako Lagun Aro GBC-Real Madrid , 12:15ean hasita, ETB-1en eta eitb.com-en.
12:30ean, ETBKn, afizionatu mailako pilotari zabalduko diote leihoa, Bizkaiako Txapelketako finalak eskaintzeko. Eta 16:00etan, ETB-1en, aizkolarien Eguberri Sariko finala izango da ikusgai herri kirolen tartean.
Futbol jardunaldiaren errepasoa, ohi denez, 'Gol Festa' saioan egingo dute 19:30etik aurrera.
