telebista
22:30ean
Jose Anjel Iribar asteazkeneko 'Bisitaria'n
A.H.
EITB
Xabier Euzkitze Zarautzen izango da futbolari mitikoaren lekurik kuttunenak bisitatzen.
-
Jose Anjel Iribar eta Xabier Euzkitze. EITB
Zarautzen du hitzordua 'Bisitaria'k asteazken honetan, Musika plazan, Makatza etxean, hain zuzen. Bertan sortu baitzen euskal futbolean izandako erreferentea, mitoa: Jose Anjel Iribar. Bere lehen urteetako lekurik kuttunenak bisitatuko ditu Xabier Euzkitzek, Munoa eta hondartza, besteak beste; baina lekuak ez ezik, umetako oroimenak eta lagunak konpartituko ditu 'Bisitaria'rekin.
18 urterekin maleta egin, herriko futbol taldea utzi eta Baskonian hasi zen jokatzen, hortik Athletic-era salto egin zuen. Zuri-gorrien errekorra du gaur egun: 18 urtez atezain, 614 partida eta hainbat bizipen.
Aurten 50 urte bete ditu bere klubean eta oraindik ere zaleek Athleticen historia Iribarrekin lotzen dute. Une gazi-gozoak izan dira, horretaz ere jakin nahi du 'Bisitaria'k, azken hilabeteetan denetatik izan baita zurigorrien etxean.
'Bisitaria' asteazken honetan emitituko da 22:30etik aurrera ETB-1en.
