albistea
22:00etan
Jessiren desagerpena eta hainbat osasun arazo izango da, 'Goenkale'n
Erredakzioa
Mireia bere buruaz beste egiten saiatu zenetik, senideak oso kezkatuta daude. Germanekin, ordea, gero eta harreman hobea dauka. Gaur, 21:45ean, ETB-1en izango dugu ikusgai.
Informazio gehiago (1)
Jessiren desagerpena eta hainbat osasun arazo izango da nagusi 'Goenkale' telesailaren gaurko atalean. Mireiak ere leku nabarmena beteko du gaur, 21:45ean, ETB-1en eskainiko dugun atalean.
Manexek ezin izango ditu ogitartekoak saldu, furgoneta barik geratu delako. Baina ez du amore emango, eta lokal bat alokatuko du bertan bere negozioa jartzeko.
Arazoak ez dira Ernestoren etxetik aldenduko. Mireia bere buruaz beste egiten saiatu zenetik, senitartekoak oso kezkatuta daude. Hala ere, Mireiaren eta Germanen arteko harremana gero eta hobea izango da. Estherrek ere Mireiari lagunduko dio, baina ez dio gertatutako guztia kontatuko.
Jessiren desagerpenaren inguruko ikerketak aurrera jarraituko du. Said askatuko dute arrasto nahikorik ez dagoelako, baina, hala ere, susmagarritzat dute oraindik.
Asunen osasunak hobera egingo du, baina oraindik ezin izango ditu etxeko lanak ondo egin. Aliziak laguntza eskainiko dio.
