telebista
22:15ean
Txirri, Mirri eta Txiribiton, 'Bisitaria'n
A.H.
EITB
Xabier Euzkitze beraiekin egun pasa joango da, eta pailazo arropen atzean ezkutatzen diren hiru gizonak gertutik ezagutuko ditu.
Informazio gehiago (1)
Belaunaldi askorentzat txikitako pailazoak izan diren Txirri, Mirri eta Txiribitonek agur egin digute 40 urtez taula gainean egon ondoren. Xabier Euzkitzek azken emanaldietako batean lagundu die, urteen poderioz ohitura bihurtu diren azken prestaketetan, aurpegiko margo, sudur gorri eta zapata handiak azken aldiz jartzen. Euren ibilbidea benetan oparoa izan da, baina ez daude triste, lortutakoa hasieran uste zutena baino askoz handiagoa eta politagoa izan delako.
Baina pailazoak ezagutzeaz gain, Jose Ignazio Ansorena, Xabier Otaegi eta Txema Vitoriarekin ere barre nahiko egin ditu 'Bisitaria'k, eurekin lo egin ondoren, egunpasan joan direlako elkarrekin.
"Bisitaria", 22:15etik aurrera, ETB-1en.
