telebista
Gaur, 21:45ean
Saidek Jessiren amarekin egingo du topo, 'Goenkale'n
eitb.com
Erredakzioa
Arraldetarrek turkiarrari dioten gorrotoa areagotu egingo da, eta horrek lur jota utziko du Said. Hau guztia, astearte honetan, 21:45ean, ETB-1en.
Informazio gehiago (1)
Said izango da, besteak beste, protagonista gaur gauean, 21:45ean, ETB-1en eskainiko dugun atalean 'Goenkale' telesailaren atalean. Aliciak New Yorkera joateko azken bultzada jasoko du gainera.
Saidek kale gorrian lo egiten duela ikusiko du Eiderrek, eta dutxa bero bat eta fundamentuzko gosaria eskainiko dizkio. Bizi duen egoera gogorra ezagututa, Saidek babes handia lortuko du Eiderrengan; azken finean geratzen zaion azken laguna baita. Tentsioa ez da hor bukatuko: Saidek Jessiren amarekin egingo du topo, eta Arraldeko bizilagunek turkiarrari dioten gorrotoa areagotu egingo da. Horrek lur jota utziko du Said.
Aliciak Asun lagunduko du, senarrak ezer jakin gabe; Sabino, berriz, familia berriari moldatzen saiatuko da. Aimar eta Leire gazteek onartu egingo dute beraien amak eta Sabinok elkarrekin lo egitea.
Aliciak zalantzak ditu; ez daki New York-era bakarrik joan ala ez. Familiakoek, ordea, konbentzitu egingo dute. 'Glamour'-a eta 'Sagar Handia' zain ditu Aliciak.
Azkenik, Jessi non dagoen badakiela adieraziko du igarle batek. Lupe itxaropenez beteko du albiste horrek.
