telebista
22:15ean
Mikel Goñi 'Bisitaria' saioan
A.E.
EITB
Oronozko pilotariak Xabier Euzkitze hartu du bere etxean. 22:15ean izango dugu ikusgai, ETB-1en.
Informazio gehiago (1)
Mikel Goñi izango da gaurko 'Bisitaria' saioaren protagonista. Oronozko pilotariak Xabier Euzkitze hartu du bere etxean, eta 22:15ean izango dugu ikusgai, ETB-1en.
Pilota munduan jarraitzen du Goñik, eta oraindik ere jendea frontoietara eramateko gaitasuna du. Jakin-min handia piztu du betidanik Mikel Goñiren inguruan mugitzen den orok, alde pertsonalean zein profesionalean izandako gorabeherak denen ahotan izan baitira. Egun, Oronozeko pilotaria telebistako protagonista ere bilakatu da. Semeak,frontoia eta lagunekin pintxazo karta jokua dira ezinbesteko Goñiren eguneroko bizitzan. Etxeko eta bihotzeko ateak zabaldu dizkio 'Bisitaria'ri.
Bisita Nafarroako Erriberan, Buñuelen, hasiko da eta Baztanen, Goñi-Martikorenatarrenean hartuko dute ostatu. Euzkitzek, gurasoekin ere gogoratuko ditu euren semearen momenturik gazi-gozoenak.
'Bisitaria' 22:15ean izango da ikusgai ETB-1en.
