'Buried' filmaren estreinaldia, 'LND' saioan

Gaur gauean, 'Buried' film harrigarria estreinatuko dute 'La noche de…' saioan. Rodrigo Cortes galiziarra da pelikularen zuzendaria, eta errodajea oso gogorra izan zen Ryan Reinoldsentzat, filmeko protagonistarentzat, izan ere, 17 egun pasatu behar izan zituen hilkutxa baten barruan. Saioa filmaren xehetasun guztiak argitzen saiatuko da.

Bestalde, Jennifer Lawrence izango da saioko protagonistetako bat, 'El lado bueno de las cosas' filmari esker Oscar sarietarako izendatuta dagoelako. Saioak Radiografia de Jennifer Lawrence atala eskainiko dio, eta bertan aktore gaztearen edertasuna eta bere ibilbide profesionala aztertuko dituzte. Astero, Oscar sarietarako izendatuta dagoen aktore bat aukeratzen du saioak, La quiniela de los Oscar izeneko kinielan bozkatzeko ikus-entzuleek informazio guztia izan dezaten. eitb.com-en bidez eman daiteke botoa.

Amaitzeko, 'La noche de' saioak Hollywoodeko alde iluna aztertuko du, izan ere, famaz gain, krimenaren, delituaren eta korrupzioaren iluntasuna du hiriak. Horrela, La historia según Hollywood atalean Los Angeleseko Mafia hurbiletik ezagutu ahal izango dugu.

'La Noche de… Buried', 22:30etatik aurrera, ETB-2n.